Edi Rama: Do të jetë porti më i madh i Mesdheut, kështu do të duket porti i Durrësit

Kryeministri i Shqipërisë, Edi Rama ka zbuluar projektin e Portit të Durrësit.

Rama thotë se Porti i Durrësit është një prej porteve më të mëdha turistike të Mesdheut.

“Mirëmëngjesi me maketin e sapo përfunduar në studion urbanistike të Emaar Group në Dubai, për transformimin e Portit të Durrësit në një prej porteve më të mëdha turistikë të Mesdheut, ju uroj një javë të mbarë”, ka shkruar Rama.

Kreu i kompanisë “Emaar”, Mohamed Alabbar, kompani e cila do të ndërtojë portin turistik të Durrësit, e cilësoi këtë investim një ëndërr që do të bëhet realitet, ndërsa vlerësoi se Shqipëria ka gjithë indikatorët pozitivë për të tërhequr investimet e huaja.

Emiratet e Bashkuara po kryejnë një investim prej 2.5 miliardë dollarësh në portin e Durrësit, si pjesë e asaj që Alabbar e konsideron si “Europa e re”.

Porti i Durrësit do të kthehet në një port turistik, i cili do t’i hapë rrugë ndërtimit të marinave detare të përshtatura për jahte, një terminali mod ern pasagjerësh dhe ndërtesave të reja përgjatë tij, të cilat do të kenë qëllime tregtare dhe hotelerie.