Romeo Kara publikon videon që po shpërndahet me shpejtësi kundër Berishës Ku shkuan paratë e Sudes’

Juristi Romeo Kara ka shpërndarë në rrjetet sociale një intervistë që demokrati Tritan Shehu ka dhënë në dhjetor të 1999, ku tregon bisedën që ka bërë me Sali Berishën për firmat piramidale.

“Karta e ndershmërisë që luhen për të treguar se gjithë janë të korruptuar dhe vetëm ai është i ndershëm, është një kartë mund të them absolutisht intriguese, një kartë spekulative dhe ndoshta mund të jetë e kunderta. Unë nuk dua të sulmoj askënd direkt. Unë dua të tregoj vetëm diçka meqënëse edhe këtë lojë e hapur zoti Berisha këto kohët e fundit shumë.

Në vitin 1996 kur skemat piramidale po përfundonin, unë dhe Kryeministri të shqetësuar në fund të 96 i kemi thënë zotit Berisha që duhet pasur në kontroll të plotë Sudja, sepse ajo nga sa dimë ne i thamë nuk çon paratë në bankë dhe paratë e saj mund të zhduken diku.

Ai na tha, mos u shqetësoni fare se Sudja është në kontroll të plote të SHIK-ut dhe të organeve tona. Paratë e Sudes në fund u zhdukën. Unë shtroj pyetjen: ku u zhdukën ato para?”, shprehet Shehu në këtë intervistë.

Pikërisht nisur nga kjo deklaratë e Shehut, Romeo Kara ironizon Berishën, i cili pak ditë më parë tha për mediat se në këto 30 vite askush nuk e ka akùzuar për ko.rrùpsion.

“Sipas Berishes, parate e Sudes nuk mund te zhdukeshin pasi ajo ishte nen kontroll te plote.

Tritan Shehu ka ngritur pyetjen: ku shkuan ato para?

Berisha nderkohe ka deklaruar se, askush nuk e ka akùzuar pergjate ketyre 30 viteve per korrùpsion.”, shkruan Romeo Kara.